بەپێی هەواڵی  سنور به گیرانه وه له سەدای بۆکان؛ ئێوارەی ڕۆژی ڕابردوو، شەممە ڕێکەوتی ١ی بەفرانباری ١۴٠٣ی هەتاوی، ڕۆماننووسی ناوداری کورد لە شاری بۆکان کۆچی دوایی کرد.

تەرمی «کاک فەتاح ئەمیری» به بەشداری هەزاران هاوڵاتی سەرلەبەیانی ئەمرۆ لە گۆڕستانی بۆکان و لە تەنیشت گۆڕی مامۆستا عه‌باس حەقیقی ، مامۆستا سه‌لاح سۆران ، مامۆستا عومه‌ری سوڵتانی(وه‌فا) تەسلیم بە خاک کرا

فەتاح ئەمیری ساڵی ۱۳۲۵ی هەتاوی لە گوندی مەنیچەر لە محاڵی ئاختاچی لەدایک بووە.

ڕۆمانەکانی “هاوارەبەرە”، “میرزا” و “زیندە‌خەو”، “گێژەڵووکە” و “خەم و خەیاڵ”ی نووسیوە و بڵاو کردۆتەوە. لە گۆڤاری “سروە”دا کاری کردووه و “سروەی ئازیز” وەک بۆڵتۆن له‌سەر ئه‌رکی ئه‌و بڵاو بۆته‌وە. خانەنشینی ئیدارەی کارەبای بۆکان بووە.